ತುಳು ಕಥೆಕುಳು

Source: ಕೊರಪೊಳು ಪಂಡಿನ

ತುಳು ಕಥೆಕುಳು ಮಸ್ತಿರೆ.

Author: ಡಾ| ಸುಂದರ ಕೇನಾಜೆ

ಕಥೆತ್ತ ಪುದರ್:

ಏಮೆಲಾ ಕಡಮ್ಮಲಾ

ಒಂಜಿ ಏಮೆಲಾ ಕಡಮ್ಮಲಾ, ಪಂತೊ ಪಾತೆರಿಯೊಗೆ, ದಾಯ್ತಾಂದ್ ಪಂಡಾ, “ ನಮೊ ಎಲ್ಲೆ ಬಲಿಪುಗೊ, ಏರ್ ದುಂಬೂಂದು ತೂಕೊನಾಂದ್, ಏಮೆ ಪಂಡ್ಂಡ್, ನಿನ್ನ ಕೈಕಾರ್ ಕುದ್ಯೋ ಅನ್ನೋ ಎನ್ನೊಟ್ಟಿಗೆ ನಿಕ್ಕ ಬಲಿಪ್ಯರ ಬಲ್ಲಿಂದ್ ಕಡಮ ಪಂಡ್ಂಡ್ “ಕೈಕಾರ್ ಏತೇ ಕುದ್ಯೋ ಇಪ್ಪಡ್ ನಿನ್ನಡ್ತ್ ದುಂಬು ಪೋಪುನ ಯಾನೇಂದ್” ಏಮೆ ಪಂಡ್ಂಡ್. ಅಂಚನೆ ರಡ್ಡ್ ಲಾ ಅವೆನ ಕೆಲಸೊಗೊಂದು ಪೋಯೊ, ಈ ಏಮೆ ದೋಸ್ತಿ ಬುಕ್ಕೊಂಜಿ ಏಮೆಟ ಪಂಡ್‌ಂಡ್ “ಈ ಒಂಜಿ ಕೋಡಿಟ್ ಉಂತೊಡು, ಯಾನ್ ನನ ಒಂಜಿ ಕೋಡಿಟ್ ಉಂತುವೆ . ಈ ಅರ್ದೊಗು ಮುಟ್ಟ ಕಡಮತೊಟ್ಟುಗು ಪಾತೆರೊಂತು ಬರೊಡು. ಈ ಕೊಡಿಕ್ ಬನ್ನಗ ಯಾನ್ ಇಪ್ಪುವೆ. ಆ ಕೊಡಿಕ್ ಪೋನಗ ಈ ಇಪ್ಪೊಡುಂದು ಪಂಡ್‌ತ್ ಕೊರುಂಡ್ . ಅಂಚನೆ ಈ ಏಮೆ ಪೋತು ಆ ತರೆಟ್ ಬಲ್ಲೆತ ಉಳಾಯಿ ಉಂತ್ಂಡ್ . ಆಂಚನೆ ಕಡಮ ಬತ್ತ್ ತ್ ಏಮೆಟ ಪಂಡ್‌ಂಡ್ ಬಲಿಪುಗೋಂದ್ , ಅಂಚಾಂದ್ ಪಂಡ್‌ ರಡ್ಡಾ ಬಲಿಪ್ಪಿಯರ ಸುರು ಮಾಲ್ತೊ, ಏಮೆ ಬಜಾವುತ ಉಳಾಯಿಡೆ ಪರಪರ ಪಂಡೊಂದ್ ಪೋಂಡು, ಕಡಮ ಬಡಬಡ ಬಡಾಂದ ಬಲಿತ್ತಂಡ್. ಆಪೆಗ್ ಎತ್ನಾಗ ಅವುಳು ಅಡೆಂಗ್‌ ಕುಳ್ಳನ ಏಮೆ ಎದುರು ಬದ್ , “ಯಾನತ್ತೊ ದುಂಬೂ" ಪಂಡ್ ತ್ ಪಣ್ಂಡ್. ಕಡಮಗ್ ಅಚ್ಚರಿಯೆ ಆಂಡ್. ನಾನೊರೊ ಬಲಿಪುಗೊಂದು ಇಂಚಿಡ್ತ ಅಂಚಿಗ್ ಬಲಿತ್ತೊ . ಏಮೆ ಪರಪರಪರಂದ್ ಅರ್ದೊಗು ಮುಟ್ಟ ಬಲಿತ್‌ಂಡ್, ಕಡಮ ಬಡಬಡಬಡಾಂದ್ ಬಲಿತ್‌ಂಡ್ . ಈ ತರೆಕ್ ಎತ್ತನಗ ಅಲ್ಪ ಇತ್ತಿ ಏಮೆ ಪಂಡಂಡ್ ” ಯಾನ ದುಂಬು , ಕಡಮಗ್ ಕುಡ ಅಚ್ಚರಿಯೆ ಆಂಡ್ . ಕುಡ ಬಲಿಪ್ಪುಗೊಂದು ಪಂಡ್‌ಂಡ್. ಅಂಚನೆ ಮೂಜಿನೇ ಸರ್ತಿ ಬಲಿತೊ , ಆ ಕಡೆಟ್ ಇತ್ತಿನ ಏಮೆ “ಏನತ್ತೋ ದುಂಬುಂದು ಪಂಡ್ಂಡ್‌. ಕಡಮಗ್ ಪಿಸ್ ರ್ ಬತ್ತ್ಂಡ್. ಬಲಿತ್ ಬಲಿತ್ ಕಡಮ್ಮತ ಕೈಪೆ ನರೀಂಡ್ , ಏಮೆತ ನಡು ಬೆರಿಕ್ ಕಾರ್ ದೀಡ್ ತ್ ಏಮೆನ್ ಕೆರ್‌ಂಡ್. ಪಂತೊಪಾತೆರ್‌ನ ಏಮೆ ಬಲಿತ್‌ಂಡ್. ಸಕಾಯ ಮಲ್ತಿನ ಏಮೆ ಸೈಯ್ಯಿಂಡ್. ಇನಿಲಾ ಕಡಮ ಏಮೆನ್ ತೂಂಡ ನಡೂ ಬೆರಿಕ್ ಕಾರ್ ದೀಡ್ ಕೆರ್ಪುಂಡುಗೆ‌.