ತೌಳವ ಸಾಹಿತ್ಯ
ತುಳು ಗಾದೆಕುಳು
ನಮ ಈ ಲೇಖನೊಟ್ಟ್ ಒಂತೆ ತುಳು ಗಾದೆಕ್ಕುಳೆನ್ನ್ ಸಂಗ್ರಹಿತ್‌ತೋ.
- ಅಂಗಾರ್ ಗಟ್ಟಿ ಇತ್ತ್ಂಡ , ಬಂಗಾಳ ಮುಟ್ಟ ಪೋತು ಬರುವೆ.
- ಅಂಗೈ ಒಡ್ಡಂದಿನಾಯೆ ಮುಂಗೈ ಒಡ್ಡೆನಾ?
- ಅಂಡೆದ ಬಾಯಿ ಕಟ್ಟೋಲಿ, ದೊಂಡೆದ ಬಾಯಿ ಕಟ್ಟಿರೆ ಬಲ್ಲಿ.
- ಅಂತ್ಯ ಕಾಲೊಡು ಪುಟ್ಟ ಮಗೆ, ಉಣಿಯೆರೆ ಕುಳ್ಳಿನ ಬುಕ್ಕ ದಿಕ್ಕೆಲ್‌ಗ್ ಪಾಡಿನ ಮೀನ್.
- ಅಂದಾಯಿ ಪಾತೆರೊಗು ಸಂದಾಯ ಇಜ್ಜಿ.
- ಅಮ್ಮಗ್ ಮಗೆ ಬೋಡ್ಚಾಂಡ ಅಜ್ಜಗ್ ಪುಳ್ಳಿ ಬೋಡಾ ?
- ಅಮ್ಮೆ ಪಾತಾಳೊಗು, ಅಪ್ಪೆ ಆಕಾಶೊಗ್, ಮಗೆ ಪೇಂಟೆಗ್, ಮಗಳ್ ಮದ್ಮೆಗ್ ಪೋಯರ್‌ಗೆ.
- ಅಮ್ಮೆ ಪುಟ್ಟಂದಿ ದುಂಬು ಮಗೆ ಕುಬಲ್‌ಡ್ ಉಳ್ಳೆಗೆ.
- ಅಟ್ಟಿ ಮುಟ್ಟಿ ದೇರ್ಪೊಳಿ, ಬಾನ ಮುಟ್ಟ ಆವಾ?
- ಅಡಿಕ್ ಬೂರ್ಂಡಲಾ ಮೀಸೆಗಾ ಮಣ್ಣ ತಾಗಂದ್.
- ಅಡಿತ ಕರಟ್ ತೆಲಿ ಇಜ್ಜಿ , ಮಿತ್ತದ ಕರಟ್ ನುಪ್ಪು ಇಜ್ಜಿ.
- ಅಡಿ ತೂದು ಮುಡಿ ಎತ್ತೊಡು.
- ಅಡಿ ಬೊಕ್ಕ ಅಟ್ಟಿಲ್ ಅಟ್ಟೋಗು ಮತ್ತಾವುಂಡೋ
- ಅಪ್ಪೆ ಅಮ್ಮ ಪೇರ್ ಉಣುಪ್ಪು ಆಂಡಲಾ ಬೊಡ್ಚಿ ಕಂಡಣಿನ ಕಣನೀರ್ ಉಣುಪ್ಪು ಆವು.
- ಅಪ್ಪೆ ಪ್ರೀತಿ ತಾರಾಯಿ, ಮಗ ಪ್ರೀತಿ ತಿಪ್ಪಿ.
- ಅರಸು ಪಾತೆರ್ಂಡ ಊರು ನಡುಗುಂಡು , ಬಡವೆ ಪಾತೆರ್ಂಡ ಗಡ್ಡ ಪರ್ಂದ್ಂಡು.
- ಅರಸು ಪೋದು ಪೊಡಸ್ ಆಸೆ , ಪೊಡಸ್ ಪೋದು ಅರಸು ಆವೋ?
- ಅರಿ ಬಾರ್ ಇತ್ತ್ಂಡ ಎಲಿ ಪೆರ್ಗುಡೆಗ್ ಕಡಮೆನಾ?
- ಅರ್ಜಿ ಕೊಂಡ ಮರ್ಜಿ ತಿಕ್ಕು.
- ಆಣ ಲೆಕ್ಕ ಬೆನೊಡು, ಪೊಣ್ಣ ಲೆಕ್ಕ ತಿನೊಡು.
- ಆನಿಗೆ ಆತೇ ಸುಖ , ಇನಿಕ್ ಉಂದೇ ಸುಖ.
- ಆನೆ ಆಂಡಲಾ ಕಾರ್ ಜಾರ್ಂಡ ಬೂರುಂಡು.
- ಆನೆಡೆ ಕುಳ್ಳು ದಿನಾಯಗ್ ನಾಯಿದ ಪೋಡಿಗೆ ದಾನೆ?.
- ಆನೆಡ್ ಕುಳ್ಳಿನಾಯೆಟ ಸುಣ್ಣ ಕೇಣಿಯೆರೆ ಆವಂದ್.
- ಆನೆ ಬಂಜಿಡ್ ನಾಯಿ ಪುಟ್ಟ ಲೆಕ್ಕ.
- ಆನೆ ಮುಟ್ಟಿನವುಳೇ ಸಂದ್ ಆಯಗ್ ಕೊಂಬು ಬಂಡ್.
- ಇಲ್ಲ್‌ಗ್ ಬಾಲೆಳು ಪೊರುಳು, ಕೆರೆಕ್ ತಾಮರೆ ಪೊರುಳು.
0 Comments